Альбомы сінглы
Альбом 2019
«Усход-Захад»
Другі альбом «Усход-Захад» 2019 стаў вынікам росту музычнай сталасці групы. Нацыянальныя матывы атрымалі незвычайнае развіццё ў сучасных аранжыроўках і апрацоўках, якія напісаў гітарыст і кампазітар Руслан Хлебародаў. Больш глыбокі падыход выканаўцаў да гучання інструментаў і галасоў, зрабіў творы больш якаснымі і самабытнымі. У альбом увайшлі 8 трэкаў. Спакойныя, акустычныя песні суседнічаюць з выбуховымі, насычанымі інструментамі, кампазіцыямі. Адметная рыса альбома - у ім разам сабраны сінглы, якія выходзілі з 2017 па 2019 год.
Сінглы 2019
1. Усход-захад. Загалоўная песня аднайменнага альбома, якая распавядае аб нялёгкім выбары кірунку развіцця краіны ў цэлым і маладой дзяўчыны ў прыватнасці.
2. Чур-вір. Цікавая апрацоўка беларускай жартоўнай народнай песні.
3. Каля майго церама. Кампазіцыя ў стылі фолк-рок, насычаная гітарным сола і вакальнымі вынаходствамі.
4. Купалінка. Акустычная версія вядомай беларускай песні.
5. Што й па мору. Фолк-рок з характэрнымі гітарнымі рыфамі.
6. Кладачка. Акустычная версія беларускай песні.
7. Ой пайду я гукаючы. Незвычайная, сучасная апрацоўка старадаўняй беларускай песні.
8. Паванька. Гітарная інструментальная кампазіцыя.
Альбом 2016
1. “Скарб”, першы альбом гурта Беларуская Брама, афіцыйна выйшаў у студзені 2016. Яго можна ахарактарызаваць, як новы погляд на фолк музыку Беларусі. Музыкі рабілі ўвесь працэс запісу, звесткі і мастэрынгу самастойна, таму праца расцягнулася на 5 гадоў. Гурту прыйшлося пераадольваць сур'ёзныя цяжкасці. У вольны доступ інтэрнэту трапілі няскончаныя дэма-версіі песень. У 2013 яны разышліся шматлікімі копіямі, і гэта адыграла негатыўную ролю. Музыкі не мелі сур'ёзнага вопыту распаўсюджвання музыкі, што непазбежна адбілася на выніках. У 2019 «Скарб» быў перавыдадзены на сэрвісе ONErpm. У рэліз ўвайшлі 12 трэкаў.